Күзгі демалыс нәтижелі және қызықты өтті. Өткізілген іс-шаралар оқушыларға бос уақыттарын тиімді өткізуге, жаңа білім мен әсер алуға мүмкіндік берді.
11 сынып оқушылары орыс драма театрына "Чичиков" қойылымына бару арқылы ой-өрісі мен мәдени білімдерін кеңейтуге мүмкіндік алды. Орыс драматургиясының классикасымен танысты, актерлердің шеберлігін бағалады.
7 және 9 сынып оқушылары да сыныптастарымен бірге уақыт өткізді, "Cinema alem" кинотеатрына барып қызықты фильм көрді, эмоционалды заряд пен жағымды эмоциялар алды.
5 – сынып оқушылары Көкшетау қаласының тарих мұражайына барды. Оқушылар қала тарихымен танысып, оның дамуы мен мәдениетін көрсететін экспонаттарды тамашалады. Мұражайға бару тарихи білімнің кеңеюіне және патриоттық сезімнің дамуына ықпал етті.